ដឹងមូលហេតុហើយ! ត្រីប្រាងា.ប់រាប់តោននៅក្នុងស្រះក្រោយវត្តអូររាំងឪ
បើតាមនគរបាលមូលដ្ឋាន បានប្រាប់ឲ្យដឹងនារសៀលថ្ងៃទី០២ ខែសីហា ឆ្នាំ២០២៣នេះថា ស្រះទឹកមួយកន្លែងនេះ ត្រូវបានព្រះចៅអធិការវត្តជីក និងចាប់ផ្ដើមចិញ្ចឹមត្រីនៅក្នុងអំឡុងឆ្នាំ២០១៦ រហូតមកដល់បច្ចុប្បន្ន។ ដោយនៅក្នុងនោះ មានត្រីជាច្រើនប្រភេទ ដូចជា ៖ ត្រីអណ្ដែង ត្រីក្រហម ត្រីប្រា អណ្ដើក…។ល។ ដែលស្រះនេះមានទំហំប្រមាណ៥០ម៉ែត្របួនជ្រុង និងជម្រៅ៣ម៉ែត្រ ព្រមទាំងបានកែច្នៃជាកន្លែងរមណីយដ្ឋានសម្រាប់មនុស្សម្នា ក្មេងចាស់ ប្រុសស្រី មកលេងពេលព្រឹក រហូតដល់ល្ងាចទៀតផង។
សមត្ថកិច្ចមូលដ្ឋាន បានប្រាប់បន្តឲ្យដឹងទៀតថា
លុះរហូតមកដល់ថ្ងៃទី៣១ ខែកក្កដា ឆ្នាំ២០២៣ កន្លងទៅ
គេចាប់ផ្ដើមសង្កេតឃើញត្រីប្រាងា.ប់ផុសអណ្ដែតលើផ្ទៃទឹកស្រះជាបន្តបន្ទាប់កាន់តែមានចំនួនច្រើនឡើងៗ
ដោយត្រីក្នុងមួយក្បាលមានទម្ងន់ពី៤ទៅ៦គីឡូក្រាម
ហើយត្រីទាំងអស់នេះ គឺព្រះសង្ឃជាអ្នកចិញ្ចឹម។ សព្វថ្ងៃនេះ
ដោយមានការយកចិត្តទុកដាក់ពីសំណាក់ព្រះសង្ឃបានអភិវឌ្ឍន៍ស្រះធុតង្គ
និងបរិវេណនៅជុំវិញស្រះ មានភាពស្រស់ស្អាត
និងបានទាក់ទាញមនុស្សម្នា ក្មេងចាស់
ប្រុសស្រីមកកម្សាន្តលេងទាំងព្រឹក ទាំងល្ងាច
ដោយអ្នកខ្លះបានទិញចំណីត្រីយកមកបាចឱ្យត្រីស៊ី
ហើយគេក៏សង្កេតឃើញថា ពពួកត្រីទាំងនោះ គឺមកទាំងហ្វូងតែម្ដង
ដើម្បីដណ្ដើមចំណីគ្នាស៊ីជាអាហារ។
សមត្ថកិច្ចមូលដ្ឋាន បានប្រាប់បន្តឲ្យដឹងបន្តទៀតថា
តែក្នុងរយៈពេលប៉ុន្មានថ្ងៃនេះ
មេឃបានបង្អល់ធ្លាក់ភ្លៀងចុះមកជាបន្តបន្ទាប់ ប៉ុន្តែទឹកស្រះនោះ
មិនមានចរន្តហូរចេញចូលទៅណានោះទេ ធ្វើឱ្យទឹកមើលទៅរាងសម្បុរខ្មៅ
បន្ទាប់មកស្រាប់តែមានត្រីប្រា
បានពុលងា.ប់ជាបន្តបន្ទាប់តែម្តង។ ហើយក៏ត្រូវបានព្រះសង្ឃ
ក៏ដូចជាលោកវរសេនីយ៍ឯកវង្ស សុភី អធិការនគរបាលស្រុកអូររាំងឪ
ព្រមទាំងមន្ត្រីក្រោមឱវាទ
បានចុះពិនិត្យនៅកន្លែងស្រះទឹកហ្នឹងផងដែរ ដោយដាក់ការសង្ស័យថា
មូលហេតុនេះ អាចបណ្ដាលមកពីពុលទឹកច្រើនជាង។ប្រសិនណា
បើពុលថ្នាំវិញ គឺត្រីប្រភេទផ្សេងទៀតក៏នឹងត្រូវងា.ប់ដែរ។
ចំពោះអណ្ដើកវិញ គឺមានពុទ្ធបរិស័ទជិតឆ្ងាយដែលបួងសួងសុំសុខ
និងបានយកទៅលែងក្នុងស្រះទឹកនោះដែរ។
ចំណែកលោក សេង ថា ប្រធានការិយាល័យកសិកម្មស្រុកអូររាំងឪ
បានប្រាប់តាមទូរស័ព្ទឱ្យដឹងនារសៀលថ្ងៃទី០២ ខែសីហា ឆ្នាំ២០២៣
នេះថា ចំពោះត្រីប្រានៅក្នុងស្រះធុតង្គ ស្ថិតនៅក្នុងឃុំគងជ័យ
ស្រុកអូររាំងឪ ដែលងា.ប់ជាបន្តបន្ទាប់នេះ
គឺមានទម្ងន់រហូតដល់រាប់តោន។ ហើយចំពោះមូលហេតុ
គឺដោយសារតែមនុស្សម្នាទៅលេងឱ្យចំណីត្រី ហើយទឹកឡើងសម្បុរខ្មៅ
ព្រមទាំងមិនមានការលាងទឹកស្រះ
ទើបជាហេតុបណ្ដាលឱ្យត្រីពុលងា.ប់យ៉ាងដូច្នេះ។
/unnamed.png
Post a Comment