រដ្ឋាភិបាលយោធាមីយ៉ាន់ម៉ាបាននិយាយថាក្រុមឧទ្ទាមKachinបានបើកការបាញ់ប្រហារទៅលើក្បួនរថយន្តដែលដឹកតំណាងយោធាចិនទៅកិច្ចប្រជុំមួយនៅព្រំដែន។
![](https://blogger.googleusercontent.com/img/b/R29vZ2xl/AVvXsEg9NvoaksFZ22hgX8I0GxLWD1l4kQRVB-eeul8tENa2-sOQnlo7YQj626H0uO3W9KngztgdSlq2_7bfZb2Zxbrxdav67N4sca_cjRK0Fl6F9Vkcs5HpMgutGGLLZR081Ra13dLaLXqvc5_Qx8_TkyyWuwIUvbZhX7v1FczKoGqLpf1lg_-KE1xOs0YMMLCJ/w640-h426/Myanmar-PulitzerCenter1-1688209774-2502-1688210381.jpg) |
សមាជិកនៃក្រុមកងទ័ពឯករាជ្យKachinនៅក្នុងប្រទេសមីយ៉ាន់ម៉ា។ រូបថត៖ PulitzerCenter |
លោកZawMinTunអ្នកនាំពាក្យរដ្ឋាភិបាលយោធាមីយ៉ាន់ម៉ាបាននិយាយកាលពីថ្ងៃទី១ខែកក្កដាថា"សមាជិកនៃក្រុមកងទ័ពឯករាជ្យ Kachi(KIA)បានវាយប្រហារលើក្បួនរថយន្ត"ដោយបានធ្វើបច្ចុប្បន្នភាពព័ត៌មានអំពីឧប្បត្តិហេតុនៃក្បួនរថយន្តដែលតំណាងយោធានៃប្រទេសចិន និងមីយ៉ាន់ម៉ាត្រូវបានវាយប្រហារកាលពីថ្ងៃទី២៧ខែមិថុនា។ក្រុមប្រដាប់អាវុធបានបើកការបាញ់ប្រហារទៅលើក្បួនរថយន្តដែលដឹកទាហានតំណាងឱ្យយោធាមីយ៉ាន់ម៉ានិងចិនដែលកំពុងធ្វើដំណើរទៅកាន់ទីក្រុង Myitkyina ភាគខាងជើងរដ្ឋ Kachin ដើម្បីចូលរួមកិច្ចប្រជុំស្តីពីសន្តិសុខព្រំដែន។រដ្ឋាភិបាលយោធាមីយ៉ាន់ម៉ា បាននិយាយថារថយន្តទី២នៅក្នុងក្បួនត្រូវបានរងការវាយប្រហារដោយគ្រាប់កាំភ្លើងចំនួន៥គ្រាប់។ប៉ុន្តែមិនមានសមាជិកនៃគណៈប្រតិភូទាំង២នាក់ណាម្នាក់រងរបួស ឬស្លាប់នោះទេ។ បន្ទាប់មកកងកម្លាំងសន្តិសុខមីយ៉ាន់ម៉ា បានបាញ់តបតវិញ ។ទោះយ៉ាងណា លោក Naw Bu តំណាងរបស់ KIA បានបញ្ជាក់ថា កម្លាំងមិនបានវាយប្រហារក្បួនរថយន្តណាមួយឡើយ។ លោកបានបន្ថែមថា តំបន់ Myitkyina ចាប់តាំងពីដើមសប្តាហ៍នេះជាកម្មវត្ថុនៃការប្រយុទ្ធគ្នាយ៉ាងខ្លាំងនៅជិតកន្លែងបាញ់ប្រហារ។ក្រសួងការបរទេសចិនមិនបានធ្វើអត្ថាធិប្បាយជុំវិញឧបទ្ទវហេតុនៅរដ្ឋ Kachinទេ។ស្ថានភាពសន្តិសុខក្នុងប្រទេសមីយ៉ាន់ម៉ាមានភាពស្មុគស្មាញចាប់តាំងពីរដ្ឋប្រហារដឹកនាំដោយយោធាក្នុងខែកុម្ភៈឆ្នាំ២០២១ បានផ្តួលរំលំរដ្ឋាភិបាលលោកស្រី Aung San Suu Kyi។ការប៉ះទង្គិចគ្នារវាងទាហានរដ្ឋាភិបាល និងក្រុមជីវពលបានកើតឡើងនៅតាមតំបន់ព្រំដែនមួយចំនួន។ នៅខែតុលា ឆ្នាំ២០២២កងទ័ពរដ្ឋាភិបាលមីយ៉ាន់ម៉ាបានបើកការវាយប្រហារតាមអាកាសទៅលើទីតាំងដែលគ្រប់គ្រងដោយក្រុមជីវពលKIAដោយបានសម្លាប់មនុស្សរាប់សិបនាក់៕ប្រភពAFP
Post a Comment