តើអា​​មេ​រិក​នឹងផ្តល់'គ្រា​ប់​បែក​ចង្កោម'ដល់​​អ៊ុយក្រែន​​ទេ?

 រដ្ឋាភិបាលអាមេរិកប្រឈមមុខនឹងការសម្រេចចិត្តជាបន្ទាន់មួយថាតើត្រូវបរិច្ចាគគ្រាប់បែកចង្កោមដែលជាអាវុធដែលត្រូវបានហាមឃាត់មិនឱ្យនាំចេញទៅអ៊ុយក្រែន។

គ្រាប់​បែក​ចង្កោម​មួយ​គ្រាប់​នៅ​ទីវាល​នៅ Velyka Komyshuvakha (អ៊ុយក្រែន)។រូបថត៖ Washington Post

យោងតាមកាសែត Washington Post កាលពីថ្ងៃទី១ខែកក្កដារដ្ឋបាលដែលដឹកនាំដោយប្រធានាធិបតី Joe Biden កំពុងប្រឈមមុខនឹងការសម្រេចចិត្តជាបន្ទាន់មួយថាតើត្រូវបញ្ជូនគ្រាប់បែកចង្កោម (DPICM) ទៅកាន់អ៊ុយក្រែនដែរឬទេ។នៅថ្ងៃទី៣០ខែមិថុនា ប្រធានអគ្គសេនាធិការចម្រុះអាមេរិក លោក Mark Milley បាននិយាយថា "យើងបានគិតអំពី DPICM ជាយូរមកហើយបាទ។ យើងកំពុងស្ថិតក្នុងដំណើរការធ្វើការសម្រេចចិត្ត"។សេចក្តីថ្លែងការណ៍របស់លោកMilleyបានកើតឡើងនៅពេលដែលសមាជិកជាន់ខ្ពស់នៃក្រុមរបស់លោកBidenនិងមន្ត្រីការពារជាតិកំពុងពិភាក្សាជាមួយសភារបស់ប្រទេសអំពីការផ្តល់ជូនអាវុធដល់អ៊ុយក្រែន។ទោះបីជាធ្លាប់បានជំទាស់នឹងការចែកចាយគ្រាប់បែកចង្កោមទៅក្រុងគៀវក៏ដោយក៏សេតវិមានត្រូវគិតឡើងវិញ ដោយសារតែមានការព្រួយបារម្ភអំពីកង្វះកាំភ្លើងធំចំពេលមានការវាយលុកយឺតៗ។គ្រាប់បែកចង្កោម គឺជាអាវុធដែលអាចបំពាក់លើកាំភ្លើងធំ ឬប្រព័ន្ធមីស៊ីល។ គ្រាប់បែកចង្កោមនីមួយៗមានគ្រាប់បែកតូចៗជាច្រើន។នៅពេលជិតដល់គោលដៅ គ្រាប់បែកមេនឹងផ្ទុះឡើងលើអាកាស ដោយបំបែកគ្រាប់បែកតូចៗលើតំបន់ធំមួយ។កាសែត Washington Post បានរាយការណ៍ថា ប៉ុន្មានខែមុននេះ សហរដ្ឋអាមេរិកបានសន្និដ្ឋានថា អាវុធនេះនឹងក្លាយជាឧបករណ៍ដ៏មានសារៈប្រយោជន៍ប្រឆាំងនឹងកងកម្លាំងរុស្ស៊ី។ឯកសារមួយរបស់មន្ទីរបញ្ចកោណដែលបានបែកធ្លាយនៅដើមឆ្នាំនេះបាននិយាយថាអាវុធ"ទំនងជានឹងបង្កើនប្រសិទ្ធភាពខ្ពស់នៃយោធាអ៊ុយក្រែនប្រឆាំងនឹងការវាយប្រហារដោយសារគ្រាប់បែកចង្កោមនីមួយៗមានសក្តានុពលរៀងៗខ្លួន"។មូលហេតុចំបងដែលអាមេរិកមិនទាន់បញ្ជូនគ្រាប់បែកចង្កោមទៅឲ្យអ៊ុយក្រែនគឺដោយសារតែសភាអាមេរិកបានចេញបម្រាមបណ្តោះអាសន្នលើការនាំចេញអាវុធទាំងនេះដោយសារឥទ្ធិពលដ៏គ្រោះថ្នាក់ទៅលើជនស៊ីវិល។LauraCooperជំនួយការអនុរដ្ឋមន្ត្រីការពារជាតិនៃក្រសួងការពារជាតិអាមេរិកបាននិយាយថា"យើងមិនបានផ្តល់ឱ្យអ៊ុយក្រែននូវសព្វាវុធនេះទេទាំងដោយសារតែដែនកំណត់បច្ចុប្បន្នរបស់សភានិងចេញពីការព្រួយបារម្ភចំពោះសាមគ្គីភាពជាមួយសម្ព័ន្ធមិត្តរបស់យើង"។គ្រាប់បែកចង្កោមគឺជាអាវុធ"អមនុស្សធម៌"មានករណីជាច្រើននៃគ្រាប់បែករងត្រូវបានបាញ់ដែលមិនផ្ទុះភ្លាមៗ។ប៉ុន្តែបានផ្ទុះនៅពេលណាមួយបន្ទាប់ពីសង្គ្រាមបានបញ្ចប់។ ប្រការនេះបានបណ្តាលឱ្យជនស៊ីវិលរាប់ពាន់នាក់នៅជុំវិញពិភពលោកត្រូវបានសម្លាប់ឬរងរបួសដោយអាវុធនេះ។ជាលទ្ធផលអង្គការសិទ្ធិមនុស្សនិងរដ្ឋាភិបាលក្នុងប្រទេសជាច្រើនបានប្រឆាំងជាចំហចំពោះការប្រើប្រាស់អាវុធ"អមនុស្សធម៌"ដែលត្រូវបានចោទប្រកាន់នេះ។ប្រសិនបើលោក Biden ចង់ផ្តល់គ្រាប់បែកចង្កោមដល់អ៊ុយក្រែន លោកនឹងត្រូវប្រើតំណែងប្រធានាធិបតីរបស់លោកដើម្បីដកបម្រាមនេះ៕ពុតសាម៉ាត់