UN​​រៀ​ប​ចំ​​កិច្ចព្រម​ព្រៀងពិ​​​​​សេស​រ​វាងរុស្ស៊ីនិ​​ង​​​អ៊ុយក្រែន

អង្គការសហប្រជាជាតិបានស្នើឱ្យអ៊ុយក្រែនរុស្ស៊ីនិងតួកគីចាប់ផ្តើមរៀបចំសម្រាប់ការដឹកជញ្ជូនអាម៉ូញាក់រុស្ស៊ីឆ្លងកាត់អ៊ុយក្រែនខណៈដែលខ្លួនព្យាយាមរក្សាទុកកិច្ចព្រមព្រៀងលើការនាំចេញគ្រាប់ធញ្ញជាតិប្រកបដោយសុវត្ថិភាពតាមរយៈសមុទ្រខ្មៅ។

កប៉ាល់ដឹកទំនិញ Mehmet Bey រង់ចាំឆ្លងកាត់ច្រកសមុទ្រ Bosphorus ពីឆ្នេរសមុទ្រ Yenikapi, Türkiye, ថ្ងៃទី៣១ខែតុលា ឆ្នាំ២០២២។ រូបថត៖ Reuters

ព័ត៌មាន​ខាង​លើ​ត្រូវ​បាន​ប្រភព​មួយ​របស់ Reuters បង្ហាញ​នៅ​ថ្ងៃ​ទី ៣១ ខែ​ឧសភា។យោងតាមប្រភពព័ត៌មាន Reuters បានឱ្យដឹងថាអង្គការសហប្រជាជាតិចង់រៀបចំកិច្ចពិភាក្សាស្របគ្នាលើការពង្រីកកិច្ចព្រមព្រៀងសមុទ្រខ្មៅដែលបានព្រមព្រៀងក្នុងខែកក្កដា ឆ្នាំ២០២២ រួមទាំងការបន្ថែមកំពង់ផែអ៊ុយក្រែននិងទំនិញផ្សេងៗទៀត។អង្គការសហប្រជាជាតិនិងតួកគីបានចែករំលែកគំនិតផ្តួចផ្តើមគ្រាប់ធញ្ញជាតិសមុទ្រខ្មៅរវាងទីក្រុងម៉ូស្គូនិងគៀវកាលពីឆ្នាំមុនដើម្បីជួយដោះស្រាយវិបត្តិស្បៀងអាហារពិភពលោកកាន់តែអាក្រក់ទៅៗ។ក្នុង​ខែ​នេះរុស្ស៊ី​ទើប​តែ​យល់ព្រម​បន្ត​កិច្ច​ព្រមព្រៀង​នេះ​២​ខែ។ប៉ុន្តែទីក្រុងម៉ូស្គូបាននិយាយថាគំនិតផ្តួចផ្តើមនេះនឹងបញ្ចប់ លុះត្រាតែភាគីបានឈានដល់កិច្ចព្រមព្រៀងមួយដើម្បីជំនះឧបសគ្គចំពោះការនាំចេញគ្រាប់ធញ្ញជាតិនិងជីរបស់រុស្ស៊ី។សំណើដែលធ្វើឡើងដោយទីក្រុងម៉ូស្គូរួមមានការបន្តដំណើរការដឹកជញ្ជូនអាម៉ូញាក់ពីរុស្ស៊ីឆ្លងកាត់អ៊ុយក្រែនទៅកាន់កំពង់ផែPivdennyiក្នុងOdessaជាកន្លែងដែលទំនិញនេះត្រូវបាននាំចេញ។ដំណើរការនៃការដឹកជញ្ជូនឧស្ម័នអាម៉ូញាក់តាមបំពង់បង្ហូរប្រេងត្រូវបានបញ្ឈប់បន្ទាប់ពីប្រតិបត្តិការយោធាពិសេសរបស់រុស្ស៊ី។យោងតាមប្រភពពី Reuters អ៊ុយក្រែននិងតួកគីបានយល់ព្រមលើសំណើថ្មី ដើម្បីកែលម្អប្រតិបត្តិការនៅក្នុងច្រករបៀងនាំចេញគ្រាប់ធញ្ញជាតិនៅក្នុងសមុទ្រខ្មៅ។ប៉ុន្តែរុស្ស៊ីមិនទាន់ឆ្លើយតបនៅឡើយ។នៅពេលសួរអំពីរបាយការណ៍របស់ Reuters ក្នុងសន្និសីទសារព័ត៌មានប្រចាំថ្ងៃ អ្នកនាំពាក្យអង្គការសហប្រជាជាតិលោក Stephane Dujarric បាននិយាយថាការចរចាកំពុងបន្ត។នៅក្នុងសុន្ទរកថាតាមវីដេអូពេលយប់របស់លោក ប្រធានាធិបតីអ៊ុយក្រែនលោក Volodymyr Zelensky បានចោទប្រកាន់រុស្ស៊ីថាបានរារាំងសកម្មភាពទាំងអស់នៅកំពង់ផែសមុទ្រខ្មៅរបស់អ៊ុយក្រែននៃPivdennyi ដែលធ្វើឱ្យផលិតផលកសិកម្មចំនួន១,៥ លានតោនជាប់គាំង។អនុរដ្ឋមន្ត្រីកំណែទម្រង់អ៊ុយក្រែន Yuriy Vaskov បាននិយាយកាលពីថ្ងៃទី៣១ខែឧសភាថាគៀវកំពុងស្វែងរកការធានាពីទីក្រុងម៉ូស្គូនិងអង្គការសហប្រជាជាតិថាកិច្ចព្រមព្រៀងគ្រាប់ធញ្ញជាតិនឹងដំណើរការដូចធម្មតាប្រសិនបើអ៊ុយក្រែនអនុញ្ញាតឱ្យរុស្ស៊ីនាំចេញអាម៉ូញាក់តាមបំពង់។ទាក់ទិននឹងស្ថានភាពជម្លោះនៅអ៊ុយក្រែនសេតវិមានកាលពីថ្ងៃទី៣១ ឧសភាបានប្រកាសកញ្ចប់ជំនួយចុងក្រោយបង្អស់ដល់អ៊ុយក្រែន រួមមានប្រព័ន្ធការពារដែនអាកាសគ្រាប់រំសេវនិងឧបករណ៍ការពារផ្សេងទៀតដែលមានតម្លៃរហូតដល់៣០០លានដុល្លារ។មន្ទីរបញ្ចកោណបាននិយាយថា កញ្ចប់ជំនួយផ្នែកសន្តិសុខនេះ រួមមានប្រព័ន្ធមីស៊ីលការពារដែនអាកាស Patriotប្រព័ន្ធការពារដែនអាកាសStingerប្រព័ន្ធការពារអាកាសរយៈចម្ងាយខ្លីAvenger ។សហរដ្ឋអាមេរិកក៏បានបញ្ជូនកាំជ្រួចពីដីទៅអាកាស AIM-7 គ្រាប់រ៉ុក្កែត HIMARS កាំភ្លើងធំ ១៥៥ មីលីម៉ែត្រ និង ១០៥ មីល្លីម៉ែត្រ គ្រាប់រ៉ុក្កែតZuniនិងកាំភ្លើងធំជាង៣០លានគ្រាប់។ក្រសួងការពារជាតិអាមេរិកបាននិយាយថាកញ្ចប់ជំនួយចុងក្រោយបំផុតនឹងនាំមកនូវតម្លៃសរុបនៃជំនួយរបស់ទីក្រុងវ៉ាស៊ីនតោនដល់ទីក្រុងគៀវចាប់តាំងពីប្រទេសរុស្ស៊ីបានចាប់ផ្តើមប្រតិបត្តិការយោធាក្នុងខែកុម្ភៈ ឆ្នាំ២០២២ដល់៣៧.6 ពាន់លានដុល្លារ។យោងតាមទីភ្នាក់ងារសារព័ត៌មាន Reuters សហរដ្ឋអាមេរិកបានស្នើឱ្យអ៊ុយក្រែនកុំប្រើប្រាស់អាវុធដែលផ្តល់ដោយទីក្រុងវ៉ាស៊ីនតោនដើម្បីវាយប្រហារលើទឹកដីរុស្ស៊ីដើម្បីជៀសវាងជម្លោះដោយផ្ទាល់រវាងទីក្រុងម៉ូស្គូនិងវ៉ាស៊ីនតោនឬជាមួយអង្គការណាតូ។លោក John Kirby អ្នកនាំពាក្យក្រុមប្រឹក្សាសន្តិសុខជាតិអាមេរិកបាននិយាយថា "យើងបានបញ្ជាក់យ៉ាងច្បាស់ចំពោះអ៊ុយក្រែន ទាំងនៅក្នុងកិច្ចប្រជុំបិទ និងជាសាធារណៈថាយើងមិនគាំទ្រការវាយប្រហារនៅក្នុងប្រទេសរុស្ស៊ីនោះទេ។ យើងមិនអនុញ្ញាតជំរុញ​ឱ្យ​មាន​ការ​វាយ​ប្រហារ​នៅ​ក្នុង​ប្រទេស​រុស្ស៊ី»៕ពុតសាម៉ាត់