ហុ​​​ងគ្រីប្រ​​ឆាំង​នឹ​ង​ជំនួយ​របស់​EUដល់​​អ៊ុយក្រែន

នាយករដ្ឋមន្ត្រីហុងគ្រីOrbanបានជំទាស់នឹងEUផ្តល់ប្រាក់បន្ថែមដល់អ៊ុយក្រែនហើយបានត្អូញត្អែរថាទីក្រុង Budapest មិនបានទទួលការគាំទ្រ ពីសហភាព។

នាយក​រដ្ឋមន្ត្រី​ហុងគ្រី លោក Viktor Orban នៅ​ទីក្រុង​ប្រ៊ុចសែល ប្រទេស​បែលហ្សិក កាលពី​ថ្ងៃ​ទី២៩ ខែ​មិថុនា។ រូបថត៖ AFP

នាយករដ្ឋមន្ត្រីហុងគ្រី លោក Viktor Orban បាននិយាយកាលពីថ្ងៃទី៣០ខែមិថុនាថា"វាច្បាស់ណាស់ថាហុងគ្រីនឹងមិនផ្តល់ឱ្យអ៊ុយក្រែនទៀតទេរហូតដល់ពួកគេបញ្ជាក់ឱ្យច្បាស់ថាតើ៧០ពាន់លានអឺរ៉ូពីមុនបានទៅណា"។មុននេះមេដឹកនាំសហភាពអឺរ៉ុបបានប្តេជ្ញាថានឹងធ្វើការប្តេជ្ញាចិត្តរយៈពេលវែងក្នុងការពង្រឹងសន្តិសុខរបស់អ៊ុយក្រែន ខណៈដែលប្រធានាធិបតីលោកVolodymyr Zelensky បានអំពាវនាវឱ្យសម្ព័ន្ធភាពចាប់ផ្តើមអនុវត្តការដាក់ទណ្ឌកម្មថ្មីប្រឆាំងនឹងប្រទេសរុស្ស៊ី។ប្រធានគណៈកម្មការអឺរ៉ុប Ursula von der Leyen បានប្រកាសកាលពីថ្ងៃទី២០ខែមិថុនាថា EU នឹងផ្តល់ជំនួយដល់អ៊ុយក្រែនចំនួន៥០ពាន់លានអឺរ៉ូ (៥៤.៣ពាន់លានដុល្លារ)ជាជំនួយសម្រាប់រយៈពេល២០២៤-២០២៧ ។មេដឹកនាំហុងគ្រីបាននិយាយថាវាស្ទើរតែមិនអាចទៅរួចទេសម្រាប់រដ្ឋជាសមាជិកសហភាពអឺរ៉ុបក្នុងការទទួលយកផែនការហិរញ្ញវត្ថុរបស់សហភាព ហើយថា "សមរភូមិដ៏យូរ" នឹងកើតឡើង។លោក Orban បាននិយាយថា "យើងយល់ឃើញថាវាគួរឱ្យអស់សំណើចនិងមិនសមហេតុផលក្នុងការបង់ប្រាក់បន្ថែមដើម្បីសងប្រាក់កម្ចីរបស់សហភាពអឺរ៉ុប(EU)នៅពេលដែលយើងមិនបានទទួលប្រាក់ដែលយើងមានសិទ្ធិ"។ ប្រទេសជាសមាជិកសហភាពអឺរ៉ុបចំនួន២គឺហុងគ្រីនិងប៉ូឡូញ មិនទាន់ទទួលបានមូលនិធិសង្គ្រោះCovid-19 ពីសហភាពអឺរ៉ុបនៅឡើយទេ ដោយចោទប្រកាន់ថាបានបំផ្លាញលទ្ធិប្រជាធិបតេយ្យនិងនីតិរដ្ឋ។ថវិការួមរបស់ EU សម្រាប់រយៈពេល២០២១-២០២៧ គឺអស់ហើយ បន្ទាប់ពីផលប៉ះពាល់នៃជំងឺរាតត្បាត Covid-19 សង្គ្រាមនៅអ៊ុយក្រែន និងវិបត្តិថាមពល។ អតិផរណានិង​អត្រា​ការប្រាក់​កើនឡើង​ក៏​បង្កើន​ថ្លៃដើម​ក្នុង​ការ​សងបំណុល​របស់​សហភាព​ផងដែរ។ហុងគ្រីគឺជាសមាជិកនៃសហភាពអឺរ៉ុបនិងណាតូ ។ប៉ុន្តែបានបដិសេធមិនផ្តល់អាវុធឬឧបករណ៍យោធាណាមួយដល់អ៊ុយក្រែន បន្ទាប់ពីការផ្ទុះឡើងនៃអរិភាពរវាងប្រទេសនិងរុស្ស៊ីក្នុងខែកុម្ភៈ ឆ្នាំ២០២២។ ហុងគ្រីបានរិះគន់ម្តងហើយម្តងទៀតចំពោះការដាក់ទណ្ឌកម្មរបស់សហភាពអឺរ៉ុបប្រឆាំងនឹងរុស្ស៊ីក៏ដូចជាការឈ្លោះប្រកែកជាមួយសហភាពជុំវិញការផ្តល់ជំនួយដល់អ៊ុយក្រែន៕ប្រភពReuters