ចិន​ចង់ជំរុ​ញការ​សន្ទនាជា​ជាងការប្រឈម​​មុខដាក់គ្នា

 នៅក្នុងសុន្ទរកថាអន្តរជាតិលើកដំបូងរបស់លោកចាប់តាំងពីចូលកាន់តំណែងក្នុងខែមីនាឆ្នាំនេះរដ្ឋមន្ត្រីការពារជាតិចិនលោកLi Shangfu បាននិយាយថាលោកចង់លើកកម្ពស់ការសន្ទនាជាជាងការប្រឈមមុខដាក់គ្នា។

រដ្ឋមន្ត្រីការពារជាតិចិនលោកLi Shangfu ។Reuters

ទោះជាយ៉ាងណាក៏ដោយនៅពេលប្រកាសនៅឯកិច្ចសន្ទនា Shangri-La លើកទី២០នៅប្រទេសសិង្ហបុរី កាលពីថ្ងៃទី៤ខែមិថុនា លោកLi បានព្រលយពាក្យអាមេរិក។ប៉ុន្តែមិនបញ្ចេញឈ្មោះថាជា"ការគំរាមកំហែង" និង "រំខានដល់សន្តិភាពក្នុងតំបន់" ។លោកLiបាននិយាយថា "ប្រទេសជាក់លាក់មួយបានអនុវត្តស្តង់ដារទ្វេដងចំពោះច្បាប់ និងបទប្បញ្ញត្តិអន្តរជាតិ។ប្រទេសនោះដាក់ច្បាប់របស់ខ្លួនលើប្រទេសផ្សេងទៀតសូម្បីតែព្យាយាមគ្រប់គ្រងប្រទេសផ្សេងទៀតក៏ដោយ" ។នៅក្នុងសុន្ទរកថារបស់លោកនៅថ្ងៃចុងក្រោយនៃកិច្ចសន្ទនា Shangri-La លើកទី២០លោកLiបានលើកឡើងម្តងទៀតនូវ "បន្ទាត់ក្រហម" ស្តីពីបញ្ហាកោះតៃវ៉ាន់(ចិន)និងសមុទ្រចិនខាងត្បូង។នេះបើយោងតាមកាសែតTheStraitsTimes។ខណៈពេលដែលសង្កត់ធ្ងន់ថាតៃវ៉ាន់គឺជាផ្នែកមួយនៃប្រទេសចិនលោកLiបាននិយាយថាទីក្រុងប៉េកាំងនឹងបន្តចូលរួមក្នុងដំណើរការពិគ្រោះយោបល់ដើម្បីបង្កើតក្រមសីលធម៌នៅសមុទ្រចិនខាងត្បូងដោយព្រមានថា"ប្រទេសបរទេសជាច្រើនចង់ញុះញង់ទឹកដើម្បីទទួលបានផលប្រយោជន៍"។នៅព្រឹកថ្ងៃដដែល រដ្ឋមន្ត្រីការពារជាតិអាមេរិក លោក Lloyd Austin បាននិយាយថាសហរដ្ឋអាមេរិកនឹងប្រយុទ្ធប្រឆាំងនឹង"ការសម្លុត និងការបង្ខិតបង្ខំ"ដោយសន្យាជួយបណ្តាប្រទេសនៅក្នុងតំបន់ "ទប់ស្កាត់អាកប្បកិរិយាឈ្លានពាន" ។នៅថ្ងៃដដែលនោះ ថ្ងៃទី៤ខែមិថុនា យោធាចិនបានចោទប្រកាន់សហរដ្ឋអាមេរិកនិងកាណាដាថា "បង្កបញ្ហាដោយចេតនា"នៅពេលដែលនាវាចម្បាំងឆ្លងកាត់ច្រកសមុទ្រតៃវ៉ាន់មួយថ្ងៃមុន។ជាការឆ្លើយតបកងនាវាចរទី៧របស់អាមេរិកបានរិះគន់កប៉ាល់កងទ័ពជើងទឹកចិនដែលបានឆ្លងកាត់មុខនាវាពិឃាត USS Chung-Hoon ពីរដងនៅពេលនោះ៕ពុតសាម៉ាត់