វីដេអូ​នៃ​​ស្ពា​ន​ដ៏​ធំ​មួយ​កំ​ពុង​​សាង​សង់​បា​ន​​បាក់​ធ្លាក់​ចូល​​ទ​ន្លេ​គង្គា​យ៉ា​​ង​លឿន

ស្ពានAguwani-Sultanganj ដែលកំពុងសាងសង់ឆ្លងកាត់ទន្លេគង្គា ក្នុងរដ្ឋBiharប្រទេសឥណ្ឌាបានដួលរលំ។នាយករដ្ឋមន្ត្រី Nitish Kumar បានស្នើឱ្យកំណត់អត្តសញ្ញាណអ្នកដែលទទួលខុសត្រូវ។

យោងតាមប៉ុស្តិ៍ទូរទស្សន៍ IndiaTodayបានឱ្យដឹងថាស្ពានដែលកំពុងសាងសង់នៅលើដងទន្លេ គង្គាហូរកាត់ទីក្រុង Bhagalpur ក្នុងរដ្ឋ Bihar ភាគខាងកើតប្រទេសឥណ្ឌាបានបាក់កាលពីថ្ងៃទី៤ខែមិថុនា។វីដេអូដែលថតបានដោយកាមេរ៉ាបង្ហាញពីផ្នែកពីរនៃស្ពាន Aguwani-Sultanganj បានដួលរលំពីមួយទៅមួយ។រហូត​មក​ដល់​ពេល​នេះ មិន​ទាន់​មាន​សេចក្តី​រាយការណ៍​ពី​អ្នក​ស្លាប់​និង​របួស​នៅ​ឡើយ​ទេ។ស្ពាន​នេះ​បាន​បាក់​កាលពី​វេលា​ម៉ោង​៦​ល្ងាច​ថ្ងៃ​ទី​៤-៦ (​ម៉ោង​ក្នុងស្រុក​) ។នាយករដ្ឋមន្ដ្រី Nitish Kumar បានបញ្ជាឱ្យមានការស៊ើបអង្កេតលើឧបទ្ទវហេតុនេះ ហើយបានស្នើឱ្យកំណត់អត្តសញ្ញាណអ្នកដែលទទួលខុសត្រូវចំពោះការដួលរលំស្ពាន។យោងតាមសារព័ត៌មានជាតិការបាក់ស្ពានកាលពីថ្ងៃទី៤ ខែមិថុនាបានបង្កឱ្យមានការជជែកវែកញែកអំពីអំពើពុករលួយ និងការគ្រប់គ្រងមិនត្រឹមត្រូវនៅក្នុងប្រទេសឥណ្ឌា។អ្នកនយោបាយ Amit Malviya សមាជិកជាន់ខ្ពស់នៃគណបក្ស Bharatiya Janata ដែលជាបក្សកាន់អំណាចបានអំពាវនាវឱ្យមន្ត្រីក្នុងរដ្ឋ Bihar រួមទាំងនាយករដ្ឋមន្រ្តី Nitish Kumar លាលែងពីតំណែង។នេះ​ជា​លើក​ទី​២​ហើយ​ដែល​ស្ពាន​នេះ​បាន​បាក់ ខណៈ​កំពុង​សាងសង់។ ផ្នែកខ្លះនៃស្ពានបានបាក់ស្រុតអំឡុងពេលមានព្យុះផ្គររន្ទះកាលពីជាងមួយឆ្នាំមុនកាលពីថ្ងៃទី២៩ខែមេសាឆ្នាំ២០២២។ប៉ុន្តែមិនទាន់មានសេចក្តីរាយការណ៍ពីមូលហេតុណាមួយចាប់តាំងពីពេលនោះមក។ស្ពាននេះបានចាប់ផ្តើមសាងសង់ក្នុងឆ្នាំ ២០១៤ ហើយគ្រោងនឹងបញ្ចប់នៅឆ្នាំ ២០១៩ ។ប៉ុន្តែត្រូវបានពន្យារពេល។ស្ពាន​នេះ​ត្រូវ​បាន​គេ​រំពឹង​ថា​នឹង​មាន​ប្រវែង ៣១៦០ម៉ែត្រ​បន្ទាប់​ពី​សាងសង់​រួច៕ពុតសាម៉ាត់

ស្ពានAguwani-Sultanganj បានដួលរលំចូលទៅក្នុងទន្លេគង្គា រូបថតអេក្រង់ The National News