ប្រធានាធិបតីអ៊ុយក្រែនចេញឱសានវាទដល់ណាតូ
ប្រធានាធិបតីអ៊ុយក្រែនត្រូវបានគេនិយាយថាបានគំរាមមិនចូលរួមកិច្ចប្រជុំរបស់អង្គការណាតូនៅក្នុងប្រទេសលីទុយអានីក្នុងខែកក្កដាប្រសិនបើក្រុងគៀវមិនទទួលបានការធានាសន្តិសុខដែលខ្លួនចង់បាន។
យោងតាមប្រភពដែលបានចែករំលែកជាមួយកាសែតFinancial Times នៅថ្ងៃទី៣១ខែឧសភា ប្រធានាធិបតីអ៊ុយក្រែនលោកVolodymyrZelensky"បានបញ្ជាក់យ៉ាងច្បាស់ទៅកាន់មេដឹកនាំណាតូថាលោកនឹងមិនចូលរួមកិច្ចប្រជុំកំពូលVilnius ដោយគ្មានការធានាសន្តិសុខជាក់លាក់និងផែនទីបង្ហាញផ្លូវសម្រាប់ការចូលជាសមាជិករបស់ណាតូ។នៅខែកញ្ញាឆ្នាំ២០២២ អ៊ុយក្រែនបានដាក់ពាក្យជាផ្លូវការដើម្បីចូលរួមជាមួយអង្គការណាតូ ដែលជាសម្ព័ន្ធមិត្តយោធាដឹកនាំដោយសហរដ្ឋអាមេរិក។បំណងប្រាថ្នារបស់អ៊ុយក្រែនត្រូវបានគាំទ្រយ៉ាងខ្លាំងដោយប្រទេសបាល់ទិកនិងប៉ូឡូញ។ ទោះបីជាយ៉ាងណាក៏ដោយកាសែត Financial Times បានដកស្រង់មន្ត្រីមិនបញ្ចេញឈ្មោះចំនួន៤នាក់កាលពីខែមេសា ដោយនិយាយថាសហរដ្ឋអាមេរិកនិងអាល្លឺម៉ង់បានប្រឆាំងសំណើរសម្រាប់ទីក្រុងគៀវដើម្បី"ទំនាក់ទំនងកាន់តែជិតស្និទ្ធ"ជាមួយអង្គការណាតូ រួមទាំងផែនទីបង្ហាញផ្លូវដ៏មានសក្តានុពលសម្រាប់អ៊ុយក្រែន ដើម្បីក្លាយជាសមាជិកនៃសហភាព។លោក Dereck Hogan មន្ត្រីជាន់ខ្ពស់ក្រសួងការបរទេសទទួលបន្ទុកអឺរ៉ុបបាននិយាយថា "យើងនឹងស្វែងរកការគាំទ្រដល់សេចក្តីប្រាថ្នា Euro-Atlantic របស់អ៊ុយក្រែន។ប៉ុន្តែឥឡូវនេះតម្រូវការបន្ទាន់នៅអ៊ុយក្រែនគឺពិតប្រាកដ ។ដូច្នេះហើយយើងផ្តោតលើការកសាងការការពារនិងការរារាំងរបស់ពួកគេ" ទីក្រុងម៉ូស្គូបានចាត់ទុកការពង្រីកទៅទិសខាងកើតរបស់អង្គការណាតូថាជាការគំរាមកំហែងដល់សន្តិសុខជាតិហើយមើលឃើញថានេះជាហេតុផលសម្រាប់ជម្លោះយោធារុស្ស៊ី-អ៊ុយក្រែន។អនុរដ្ឋមន្ត្រីការបរទេសរុស្ស៊ី លោក Mikhail Galuzin នាពេលថ្មីៗនេះ បាននិយាយថា អព្យាក្រឹតភាពរបស់អ៊ុយក្រែនគឺជាលក្ខខណ្ឌមួយសម្រាប់បង្កើតសន្តិភាពយូរអង្វែងរវាងរុស្ស៊ីនិងអ៊ុយក្រែន៕ពុតសាម៉ាត់
/unnamed.png
Post a Comment