នាយក​រដ្ឋម​ន្ត្រីស្នើសុំឱ្យម្ចាស់​បុ​រីបញ្ឈប់​ជាប​ន្ទាន់​ការរឹ​បអូសផ្ទះដី

 សម្ដេចហ៊ុន សែននាយករដ្ឋមន្ត្រីនៃព្រះរាជាណាចក្រកម្ពុជាបាន​ស្នើសុំឱ្យម្ចាស់អចលនទ្រព្យទាំងអស់នៅក្នុងប្រទេសកម្ពុជា​មានការយោគ​យល់​ដល់​អ្នកដែលបានបង់រំលោះផ្ទះឬដីនៅតាមបុរីដែលមិនមានលទ្ធភាពបង់រំលោះបន្ត​ទៀត​តាម​រយៈការរៀបចំឥណទានឡើងវិញដោយបន្ថយចំនួនប្រាក់បង់ប្រចាំខែ​និងរយៈពេលឆ្នាំ​នៃការបង់រំលោះ។

សម្តេចហ៊ុនសែនក៏បានស្នើសុំឱ្យបញ្ឈប់ជាបន្ទាន់ការរឹបអូសហើយចំពោះ​អ្នកដែលបានរឹបអូសហើយគួរពិចារណាសងទៅពួកគាត់វិញក្នុងចំនួនណាមួយ​ដែលសម​រម្យ។ការស្នើសុំរបស់សម្តេចនេះ ក្នុងឱកាសសំណេះសំណាលជាមួយកម្មករកម្ម​ការិនី​​សរុបជិត២ម៉ឺននាក់ មកពីរោងចក្រសហគ្រាសចំនួន១១ដែលកំពុងដំណើរអាជីវ​កម្មក្នុង​ស្រុក​កំពង់ត្រឡាច និងស្រុកសាមគ្គីមានជ័យ ខេត្តកំពង់ឆ្នាំង នាព្រឹកថ្ងៃទី០៩ ខែមិថុនា ឆ្នាំ២០២៣ ។សម្តេចហ៊ុន សែន បានអំពាវនាវដល់ម្ចាស់អចលនទ្រព្យទាំងអស់​បញ្ឈប់​សិន​ ហើយនិយាយគ្នាសិននិងកុំមានការរឹបអូសតទៅទៀតចាប់ពីថ្ងៃទទួលសារ​របស់​សម្ដេចទៅ។សម្ដេចនាយករដ្ឋមន្រ្ដីបានលើកឡើងថា វិធីមានតែមួយទេគឺរៀបចំ​លទ្ធភាពសងរៀបចំឥណទានជាថ្មី ដោយបន្ថយចំនួនប្រាក់បង់ប្រចាំខែនិងរយៈពេលឆ្នាំ​នៃការបង់រំលោះ។ សម្តេចបានថ្លែងបញ្ជាក់ថា៖«បញ្ហាវាកើតឡើងដោយសារតែ​សង្គ្រាមរវាងរុស្ស៊ីនិងអ៊ុយក្រែននិងជំងឺកូវីដដែលវាបានបង្កឱ្យមានវិបត្តិសេដ្ឋកិច្ច​ពិភព​លោកនិងបានប៉ះពាល់ដល់សេដ្ឋកិច្ចកម្ពុជាផងដែរ។អីចឹងសូមសុំមេត្តាយោគយល់បញ្ហា​នេះ ហើយទប់ស្កាត់បញ្ឈប់ភ្លាមនូវសកម្មភាពរឹបអូស ហើយរៀបចំឥណទានឡើងវិញហើ​អ្នកទិញក៏ត្រូវមានការទទួលខុសត្រូវក្នុងការបង់បន្ត។ឯថៅកែបើបានរឹបអូសហើយនោះអាចពិនិត្យមើលថាតើអាចផ្ដល់លុយត្រឡប់ទៅឱ្យគាត់វិញខ្លះបានទេ»។ជាមួយគ្នានេះ សម្តេចនាយករដ្ឋមន្រ្ដីបានស្នើឱ្យជំនួយការរបស់សម្ដេច​ដែល​ទទួល បន្ទុកការងារវិនិយោគពិនិត្យតាមដានបញ្ហានេះ​ ហើយធ្វើរបាយការណ៍មក​សម្ដេចដើម្បីឱ្យដឹងព័ត៌មានជាក់លាក់ថាតើមានមនុស្សប៉ុន្មាននាក់ដែលត្រូវបានគេរឹបអូសផ្ទះ។បុរីណាខ្លះដែលបានរឹបអូសផ្ទះពីប្រជាពលរដ្ឋ ហើយបង់បានប៉ុន្មាននិងបានសងត្រឡប់​ទៅវិញចំនួនប៉ុន្មាន។ សម្តេចបានអះអាងថា នេះជាផ្នែកមួយនៃយុត្តិធម៌សង្គម​ដែល​សម្តេចត្រូវតែយកខ្លួនមកពាំងព្រោះការរឹបអូសនោះវាឆាប់ពេក អ្នកខ្លះបង់បាន៥ម៉ឺន​ដុល្លារ​ហើយរឹបអូសធ្វើឱ្យប្រាក់ដែលគាត់ខំសន្សំដើម្បីបង់ផ្ទះនេះត្រូវបាត់បង់ទាំងស្រុងព្រមទាំងបង្កើតការឈឺចាប់សម្រាប់មនុស្សកាន់តែច្រើន។សម្តេចសង្ឃឹមថាម្ចាស់បុរីទាំងឡាយនឹងរៀបចំឥណទានឡើងវិញព្រោះ​មិន​មាន​អ្វីខាតទេ ហើយកន្លងទៅលោកអូនព័ន្ធ មុនីរ័ត្ន ក៏បានធ្វើ​ការ​រៀបចំសម្រាប់សម្រួលដល់អ្នកវិនិយោគលើវិស័យអចលនទ្រព្យ។ សម្តេចបាន​ថ្លែង​បន្ថែមថា៖«ការគ្រប់គ្រងប្រទេសមួយគឺយើងត្រូវមើលអ្នកណា ក៏ជាមនុស្សនៅ​ក្នុងប្រទេស​កម្ពុជាដែលយើងត្រូវមានការទទួលខុសត្រូវ»៕AKP