ម៉ាឡេស៊ីថាមិនមានការជូនដំណឹងទៅលោកនាយករដ្ឋមន្ត្រីAnwar Ibrahimទាក់ទងនឹងវត្តមានអតីតប្រធានគណបក្សប្រឆាំងកម្ពុជា
ម៉ាឡេស៊ីថាមិនមានការជូនដំណឹងណាមួយទៅលោកនាយករដ្ឋមន្ត្រីAnwar Ibrahimទាក់ទងនឹងវត្តមានរបស់អតីតប្រធានគណបក្សប្រឆាំងកម្ពុជា នៅក្នុងប្រទេសម៉ាឡេស៊ីទេ។នេះបើតាមសេចក្តីប្រកាសរបស់ក្រសួងការបរទេសម៉ាឡេស៊ីនៅថ្ងៃទី៣១ ខែឧសភា។សម្តេចហ៊ុន សែនធ្លាប់ព្រមានថា លោកនឹងផ្គុំ«BM21»បាញ់ប្រសិនលោកសម រង្ស៊ី ចូលកម្ពុជាវិញ។ពាក់ព័ន្ធនឹងវត្តមានរបស់អតីតប្រធានគណបក្សប្រឆាំង លោកសម រង្ស៊ីនៅប្រទេសម៉ាឡេស៊ី ក្រសួងការបរទេសបញ្ជាក់ជាថ្មីថា លោកនាយករដ្ឋមន្ត្រី អាន់វ៉ា អ៊ីប្រាហ៊ីម (Anwar Ibrahim) មិនបានទទួលដំណឹងអំពីវត្តមានរបស់លោក សម រង្សី នៅក្នុងប្រទេសនេះទេ។នេះបើតាមក្រសួងការបរទេសម៉ាឡេស៊ី ក្នុងសេចក្តីប្រកាសព័ត៌មាននៅថ្ងៃទី៣១ ខែឧសភា ឆ្នាំ២០២៣។
រូបភាពផេកសមរង្ស៊ី
សេចក្តីប្រកាសព័ត៌មានដដែលក៏បញ្ជាក់ថា លោក សម រង្ស៊ី បានចាកចេញពីប្រទេសម៉ាឡេស៊ីហើយ កាលពីព្រឹកថ្ងៃទី៣១ ខែឧសភា ហើយអំឡុងពេល លោក សម រង្ស៊ីមានវត្តមាននៅម៉ាឡេស៊ី ក៏គ្មានកម្មវិធីសាធារណៈណាមួយត្រូវបានធ្វើឡើងដែរ។ កាលពីថ្ងៃទី៣១ ខែឧសភា លោក សម រង្ស៊ី តាមរយៈទំព័រហ្វេសប៊ុកផ្លូវការបានបង្ហោះផ្សាយរូបភាពដែលបង្ហាញពីវត្តមានរបស់លោកនៅសភាប្រទេសម៉ាឡេស៊ីនិងដំណើរកម្សាន្ត ក្នុងទីក្រុងកូឡាឡាំពួរនិងពេលជួបពលរដ្ឋខ្មែរឥស្លាម ដែលរស់នៅ ប្រទេសម៉ាឡេស៊ី។សម្តេចនាយករដ្ឋមន្ត្រីហ៊ុន សែន កាលពីថ្ងៃទី៣១ ខែឧសភា បានថ្លែងថា លោក អាន់វ៉ា អ៊ីប្រាហ៊ីម បានសន្យារហូត៤ដងថាមិនឲ្យមេដឹកនាំបក្សប្រឆាំកម្ពុជាចូលទឹកដីម៉ាឡេស៊ីនោះឡើយ។បើតាមសម្តេចហ៊ុនសែនគឺនាយករដ្ឋមន្ត្រីម៉ាឡេស៊ីមិនដឹងលោក សមរង្ស៊ីចូលប្រទេសខ្លួនជាមុននោះទេពីព្រោះតែប្រធានបក្សប្រឆាំងរូបនេះប្រើលិខិតឆ្លងដែនសញ្ជាតិបារាំងតាមក្រុមហ៊ុនឯកជន។សម្តេចហ៊ុន សែន ព្រមានថា លោកនឹងផ្គុំ«BM21» បាញ់ប្រសិនលោក សម រង្ស៊ី ចូលកម្ពុជាវិញ។ក្រោយពីបំពេញទស្សនកិច្ចអស់រយៈពេល១០ថ្ងៃ នៅប្រទេសអូស្ត្រាលីលោកសមរង្ស៊ីដែលជាប្រធានស្តីទីអតីតគណបក្សសង្គ្រោះជាតិ នៅថ្ងៃចន្ទ ទី២៩ ខែឧសភា បានធ្វើដំណើរទៅកាន់ប្រទេសម៉ាឡេស៊ី។ ម៉ាឡេស៊ីជាទី ដែលគណបក្សប្រឆាំងធ្លាប់ជួបប្រជុំគ្នាស្តីពីនយោបាយនៅកម្ពុជា ដើម្បីរកច្រកចូលទៅកម្ពុជា។លោក សម រង្ស៊ី ថ្លែងថាលោកធ្វើដំណើរជុំវិញកម្ពុជាដើម្បីត្រៀមលក្ខណៈចូលកម្ពុជាវិញនៅក្នុងពេលឆាប់ៗនេះ។អ្នកជំនាញផ្នែកទំនាក់ទំនងអន្តរជាតិមើលឃើញថា ទោះ លោក សម រង្ស៊ី មានវត្តមានរយៈពេលខ្លីនៅម៉ាឡេស៊ីក៏ដោយ ក៏មិនប៉ះពាល់ដល់ទំនាក់ទំនងកម្ពុជានិងម៉ាឡេស៊ីដែរពោលគឺទំនាក់ទំនងរវាងប្រទេសទាំង២មានភាពល្អប្រសើរ៕RFI
/unnamed.png
Post a Comment